Dis nou genoeg.

Ek is alweer gatvol.

Op my blog het ek nog net 4 spam comments gehad, en drie van hulle was oor die feit dat ek gay is. Ek vra julle nou, sê ek iets wat die hetero gemeenskap ontstel?

Ek verstaan die meeste wat hier comment is straight mense. My vriende wat hier lees,
lees van Facebook af, en comment nie hier nie, maar op Facebook.

Ek verstaan dat daar moegoes is wat net nie kan verstaan dat ons gay oukies nie kan verander nie, ons kan net nie anders wees nie.

Ons, wel ek, kan nie straight gebid word nie, ek gaan nie straight gebliksem word nie. Laasgenoemde het ek geleer uit ondervinding. Onthou my pa was ‘n rekkie, so maak nie saak hoeveel keer jy my “slapgat”, “moffie”, of “trassie” noem nie…”I’ve heard it all before”. En dan van iemand af wat die mag gehad het om my seer te maak. Jy het nie ‘n effek nie.

Vader man, ek pla jou nie. Ek ken jou nie eers nie, en jy ook nie vir my nie. Bly weg en spaar jou internet vir pornografie of iets dergliks soos dit.

Jy gebruik vals e-mail adresse om my te kom ontstel, lafhaard. Jou nuutste naampie wat jy gebruik het was QueerHater en jy het hier kommentaar gelewer. Ek dink jy is ‘n slegte karakter wat tien teen een jou vrou en kinders bliksem as jy saans gesuip by die huis aankom. Dis wat mense vol haat doen, en glo my, van haat kan jy my niks vertel nie skat.

Soos wat Girl van die suburbs eendag iewers gecomment het : ”Bou ‘n brug”

Dis wat ek vir jou wil sê.

Nee ek lieg….

Wat ek vir jou wil sê is dat ek dalk soos my Mamma stap, maar trust my, ek donner soos my Pappa. Blêddie poephol….

Advertisements

30 Responses to “Dis nou genoeg.”


  1. 1 Antie Koekie Desember 18, 2009 om 8:13 nm

    Mooi so! Ons het nie sulke idiote onder ons nodig nie—– ons second thoughts, ons het ni sulke idiote in die lewe nodig nie.Punt.Jy’s gay, dus is jy openlik in ‘n boks, waaraan ‘n etiket hang. Ek’s (baie!)straight, en ek is dalk baie meer “flintstoned” as jy, want ek was 100x getroud; ‘n slegte huisvrou wat dit haat om kosbare leestyd in die kombuis te mors. Maar ek pas ni in ‘n duidelike boksie nie, daarom kry ek nie die veroordeling wat jy kry nie.
    Dis so opgefoeter! Maar die veroordeling van die ouers se kant, kan ek en jy saam miskien ‘n boek oor skryf, en miskien ook die helfte van almal wat hier blog.
    Sterkte, keep up the good work.

  2. 3 Smurfi Desember 18, 2009 om 8:36 nm

    Hallo daar Flintstoned, so vinnig kom inloer, het jou raak gelees daar op Bierpens se blog, sal weer so draaitjie kom maak. Wil gou bietjie lees wat skryf jy alles 😉

  3. 5 Xena Phoenix Desember 18, 2009 om 8:57 nm

    Ek skenk ‘n vrag bakstene vir die QueerHater. Hy moet nie sukkel met die brug nie.

    Flint,die ou is net bang jy stel nie in hom belang nie. Daarom dat hy nou al vol draadwerk is. Dan kan jy hom nie verwerp nie.

  4. 11 Antie Koekie Desember 18, 2009 om 11:01 nm

    Sies, moenie so lelik wees nie; namens al die vroue van SA maak ek kapsie @ die feit dat jy Manto se brein so wil misbruik.Miskien is hy ‘n muisklein ou mannetjie wat getroud is met 2m lange, baie butch vrou, wat hom al sy hel gee! LoL!!

  5. 13 boervrou Desember 19, 2009 om 7:41 vm

    Mannetjie, ignore! Sy vrou het hom seker gelos, hy soek aandag! Ek sê altyd gays los at least kinders uit…heavy shit ek weet, sorry maar dis hoe dit is. Hoeveel straight, kerkgaande mans kan nie hulle hande van kinders af hou nie? Okker!

  6. 14 boervrou Desember 19, 2009 om 7:43 vm

    Tannie van plaas LOL! 😉

  7. 16 schabbers Desember 19, 2009 om 9:10 vm

    Weet jy wat? …… as driekwart van die manlike geslag net so ‘n bietjie gay was, was die wêreld ‘n beter plek en daar sou baie minder egskeidings gewees het! ‘n Vrou kan mos met julle mense praat – julle verstaan ‘n vrou se hart! Van my beste vriende is gay. Mense op wie jy altyd kan staatmaak en altyd daar is vir jou. Skop daai gemors wat agter spam wegkruip onder hulle gatte!
    Ek blog nie eintlik omdat ek iets op die hart het nie. Ek blog net oor goed wat vir my mooi is.

    • 17 flintstoned Desember 19, 2009 om 12:31 nm

      schabbers, dankie vir daardie een 😉

      Ek het jou blog se link onder jou url ingesit so nou kan iemand jou mooigoed gaan loer as hulle op jou fotokie click.

      Hoop nie jy gee om nie, maar as ek dit nie doen nie merk dit jou as spam.

  8. 18 Plaasjuppie Desember 19, 2009 om 11:41 vm

    Daar is ongelukkig geen verskoning vir ‘n gebrek aan maniere nie, selfs al hou jy nie van gays/straight mense/Jacob Zuma nie. Blixemse neanderthal. They live amongst us only because it’s illegal to kill them.
    Moving along . . .

    • 19 flintstoned Desember 19, 2009 om 12:23 nm

      LOL, ja, maar weet jy wat? Hy sê sleg en val aan, sonder om rede te gee, dit laat my wonder of daar nie ‘n issue of twee is waarvan hy wegskram nie. Ek hoop hy kry waarna hy soek, werklik ek doen, want dit moet hel wees om met soveel haat in jou hart rond te loop.

  9. 20 kaalvoetinireen Desember 19, 2009 om 12:34 nm

    Daar sal ook altyd ‘n drol in die drinkwater ronddryf! Hulle is oral en die beste is om dit net te laat vaar…

  10. 21 Sonkind Desember 19, 2009 om 9:41 nm

    Flints, dit waarteen mense die hardste baklei, is gewoonlik dit waarvoor hulle die bangste is. En baie keer is hulle bang, omdat dit te na aan die been sny. Die ou is dalk self nie van die straightste nie en om jou aan te val, is al wat hom laat voel hy is in beheer. Hy is “man”. Jy moet hom vertel dit vat ‘n grote om ‘n kleintjie raak te sien! 😆

  11. 22 Twilight Desember 20, 2009 om 12:26 vm

    Ek het nog nie vantevore ge”comment” nie, omdat ek nie eintlik gevoel het ek kan iets van waarde sê nie. Maar ek wil net nou sê dat ek jou blog geniet en hoop jy bly. Aan die poepholle kan ons niks doen/verander nie en ons sal hulle altyd by ons hê. Ongelukkig.

    Geseënde Kersfees vir julle.

  12. 24 boervrou Desember 20, 2009 om 3:49 nm

    http://altandrea.wordpress.com/2009/12/20/88-die-rowe-is-af-en-dit-bloei-weer/#comment-452:

    Hi. Eks terug! Ek stem nie heeltemal saam met wat jy sê nie. “sonder uitsondering gevind, en ek kan dit bewys, dat feitlik elke straight blanke man, wat ‘n issue met gays het, net so veel ‘n issue met rassisme het” Dis lelik en onregverdig. ‘n BLANKE BOER hier is saam met ‘n SWART vrou. (En nee ek lieg nie ek sweer dis die waarheid). Ek kan jou ‘n foto stuur.. Baie gelukkig, hulle altwee werk hulle self simpel SAAM. Anyway om ‘n lang storie kort te knip. Hy het nie tyd vir gays nie! EN believe me, hys geen rassis nie!

    Weereens wil ek jou daarop wys dat mense wat issues met gays het nie, nie rasse issues het nie, dis totaal en al verskillend. Hier op ons plaas was ‘n oukie’ Swart en gay. Die Swart mense wat saam met hom gewerk het, het vir hom gelag en hom verwerp. Niks met sy ras uit te waai nie…

    Ek is gatvol dat alles in ‘n rasse-ding ontaard! Dis bull-dinges!

  13. 27 Krista Desember 20, 2009 om 6:09 nm

    Hehehehe @ al jou kommentators . . . solank jy jou nie regtig steur nie en aanhou skryf, is ek fine. Ek geniet jou posts en jou comments oral. Jy’t so ‘n “mensch”-wees aan jou, ek gee jou sommer ‘n stywe druk!

  14. 29 demoerin Desember 21, 2009 om 7:44 vm

    Kyk Noord!
    Elk geval, ek kan nie verstaan dat iemand so verskriklik baie te sê het… maar dan agter ‘n skuilnaam en vals e-mail moet wegkruip nie. Dit is seker swaar om so lafhartig te wees.

  15. 30 Girl van die Suburbs Desember 21, 2009 om 9:22 vm

    Ai Kersiepit… Ek het nou die dag by Ingrid gelees hoe hulle haar ook aangeval het oor haar lewenstyl en keuse. Dis seker maklik om te se draai om en stap weg, want (dankie tog) ek is nog nooit aangevat oor my kak verlede nie.

    Ek reken mense soek skoor oor hulle weet hulle gaan reaksie kry. Blok hulle as jy moet…

    But whatever you do… Moet nooit ophou in liefde optree nie want dit maak wie jy is… ‘n Regte man.


Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s




Vind uit as ek iets nuuts kwytraak. Dit is natuurlik gratis.

Join 12 other followers

Dis wie ek is:

Ek is ‘n Afrikaner man, ek is gay, en ek is 29 jaar oud. Ek skryf die blog, om uiting te gee aan my taal en my kultuur, ten spyte van die feit dat baie mense dink n gay man is minder man. Ek is lief vir my land, my mense, my taal en ons kos. Ek is lief vir my God. Ek glo ek is wie ek is as gevolg van die oorloë van my voorvaders. My kultuur het my identiteit gevorm. Braaivleis is in my bloed, en ek kan net waarlik gelukkig wees onder die Afrika son.
Tell the world on hellopeter.com
I shmaak SA Blogs, sorted with Amatomu.com

Views since November 2009

  • 21,943 Hits

Vanwaar is die gaste

…en hulle vlaggies.

free counters

RSS Om die kombuis tafel

  • 2017 Januarie 6, 2017 Ingrid Marais

Willie Werfetter

Die Werf

%d bloggers like this: